ابڙو اڪيڊمي Abro Academy
2020-07-19
داخلا نمبر 577
عنوان چنڊول (ايراني)
شاخ پکي
پڙهيو ويو 378
داخلا جو حوالو:
چنڊول (ايراني)
ننڍين آڱرين واري هن چنڊول جو قد بت 15 سينٽي ميٽر ٿئي ٿو. اپکنڊ ۾ سياري جو ايندو آهي، ان جا نر مادي هڪجهڙا ٿيندا آهن، پُٺيءَ جو رنگ پٿريلو ناسي اٿس، جنهن تي گهرا لينگها هوندا آهن. پيٽ اڇو، ڳچي ۽ ڇاتي تي گهرا تير جي چهنب جهڙا نشان اٿس ۽ اک جي مٿان ڀرونءَ وانگر هلڪي رنگ جي ليڪ اٿس. پڇ ۾ وچ وارا کنڀ سروٽي ناسي ھوندا اٿس.
ايراني چنڊول ميدانن ۽ نيم صحرائي علائقن ۾ وڏن ميڙن ۾ نظر ايندو آهي، جڏهن ولر ٽاھه کائيندو آهي ته سڄو ولر بادل وانگر حرڪت ڪري پرتي وڃي لهندو آهي. اهي ٻُوڙن يا تارن وغيره تي آرام ڪونه ڪندا آهن. هي ماحول : 5 جو چنڊول آهي.